صرف ایک چیز جس کا استعمال دل، دماغ اور دمہ جیسی بیماری میں مبتلا کرسکتا ہے
اس بات میں کوئی شک نہیں کہ پاکستان میں چائنیز کھانے بہت بڑے پیمانے پر استعمال اور پسند کیے جاتے ہیں- اگر ہم انہیں ریسٹورنٹس میں جا کر نہ بھی کھائیں تو گھر پر ضرور آسانی کے ساتھ تیار کرتے ہیں- تاہم ہر چائنیز کھانے کی تیاری کے دوران ایک چیز جو ضرور اس میں شامل کی جاتی ہے اور وہ ہے چائنیز سالٹ جو کہ انتہائی خطرناک ہے- چائنیز سالٹ کو چائنیز نمک یا اجینو موتو کے نام سے بھی جانا جاتا ہے- بدقسمتی سے یہ سالٹ جتنا کھانے کا ذائقہ بڑھاتا ہے اس سے زیادہ صحت کو نقصان پہنچاتا ہے- ماہرین کے نزدیک یہ ایک خاموش قاتل ہے- حیران کن طور پر چائنیز سالٹ کے مضر اثرات ہونے کے باوجود FDA نے اسے محفوظ قرار دیا ہے- جس کا مطلب یہ ہے کہ اسے بہت تھوڑی مقدار میں کبھی کبھی استعمال کیا جاسکتا ہے لیکن اس کا زیادہ استعمال آپ کو کئی خطرناک مسائل کا شکار بنا سکتا ہے- وہ خطرناک مسائل کونسے ہیں؟ آئیے ہم بتاتے ہیں!


حاملہ خواتین
چائنیز سالٹ کا استعمال حاملہ خواتین کے نہ صرف بلڈ پریشر کو ہائی کر سکتا ہے بلکہ بچے کو ملنی والی غذا کے عمل میں بھی رکاوٹ بن سکتا ہے- اس کے علاوہ یہ بچے کے مدافعتی نظام پر بھی اثر انداز ہوسکتا ہے-


مائیگرین
چائنیز سالٹ کے استعمال سے آپ کو شدید سر درد کا سامنا کرنا پڑ سکتا ہے اور اگر آپ اس کا استعمال مسلسل کرتے رہیں گے تو اس سر درد میں اضافہ بھی ہوسکتا ہے- یہ ناقابلِ برداشت درد ہوتا ہے جس کے ساتھ مریض کو متلی اور قے کی شکایت بھی پیدا ہوجاتی ہے-


دل کے مسائل
چائنیز سالٹ اس حد تک مضرِ صحت ہے کہ اس کے استعمال سے انسان کو سینے کے درد٬ ہارٹ اٹیک اور دل کی دھڑکن کے تیز ہونے کی شکایت بھی پیدا ہوجاتی ہے-


دمہ
اگر آپ کو الرجی ہے اور پھر بھی آپ چائنیز سالٹ سے بنی اشیاﺀ استعمال کرتے ہیں تو آپ کو دمہ کا سامنا بھی کرنا پڑسکتا ہے- تاہم اجینو موتو اور دمہ کے آپس میں تعلق کے حوالے سے مزید تحقیق جاری ہے-


اعصابی خرابیاں
اس چائنیز سالٹ کے استعمال کے نتیجے میں انسان کے اعصاب کے اردگرد ایک عدم اطمینان یا کچھاؤ بھی پیدا ہونے لگتا ہے- اور یہ سب چہرے اور گردن میں سنسناہٹ اور پارکنسن جیسی خطرناک بیماری کے لاحق ہونے کا سبب بن سکتا ہے-

دیگر مسائل
اس کے علاوہ بھی چائنیز سالٹ کے استعمال سے آپ کو کئی مسائل کا سامنا کرنا پڑسکتا ہے جن میں نیند کی بیماری٬ وزن میں غیرمعمولی اضافہ اور ہائپر ٹینشن شامل ہیں-
Courtesy: Daily Ausaf
Comments
Post Your Comments
Disclaimer: All material on this website is provided for your information only and may not be construed as medical advice or instruction. No action or inaction should be taken based solely on the contents of this information; instead, readers should consult appropriate health professionals on any matter relating to their health and well-being. The data information and opinions expressed here are believed to be accurate, which is gathered from different sources but might have some errors. Hamariweb.com is not responsible for errors or omissions. Doctors and Hospital officials are not necessarily required to respond or go through this page.
MORE DOCTORS