انسان کو جوان رکھنے والی غٓذائیں Channel24

لاہور(ویب ڈیسک)ہمیں مسلسل بتایا جاتا ہے کہ کیا کھانا بہتر ہے کیا نہیں ، مگر کیا اس میں کوئی حقیقت ہوتی ہے ؟ درحقیقت ہماری خوراک صرف صحت پر نہیں بلکہ ہمارے شخصیت یا عمر پر بھی اثر انداز ہوتی ہے اور اگر آپ درمیانی یا 50کے عشرے کے بعد جوان نظر آنا چاہتے ہیں اور وہ بھی کسی پلاسٹک سرجری یا ادویات کے استعمال کے بغیر تویہ چند فوڈز ایسی ہی حیرت انگیز صلاحیت رکھتے ہیں جو آپ کی شخصیت کو کم عمر بنا کر پیش کرتے ہیں ایسے ہی چند چیزوں کے بارے میں جانیں جو آپ کی شخصیت کو ہر عمر میں پرکشش بناتے ہیں ۔ مالٹے(Orange) وٹامن سی آپ کی نوجوانی کے تاثر کو برقرار رکھنے کے لیے ضروری ہے اور مالٹوں میں اس وٹامن کی کوئی کمی نہیں ہوتی ، اس کے ساتھ ساتھ ان میں ایک جز و بائیو فلیونوئیڈز بھی ہوتے ہیں جو جلد کو سورج کی شعاعوں سے تحفظ فراہم کرتا ہے اور خلیات کومرنے سے بچاتا ہے ۔ ناشپاتی یا ایووکیڈو (Pears Or Avocado) ناشپاتی یا ایووکیڈو وٹامن ای کے حصول کا بہترین ذریعہ ہے جس میں بیٹا کیروٹین کی کافی مقدار بھی شامل ہوتی ہے جو جلد بڑھاپے سے بچانے کے ساتھ ساتھ اس کی جگمگاہٹ کو برقرار رکھتا ہے ۔ بیریز (Berries) اسٹرابیری ہو یا بلیوبیری ہرقسم کی بیریز آپ کی صحت کے ساتھ ساتھ مجموعی شخصیت کی کشش کے لیے بہترین ہے ، ان کے استعمال سے جلد کی جگمگاہٹ میں اضافہ ہوتاہے اور جھریوں کا امکان کم ہوجاتا ہے ، جبکہ یہ یاداشت کی کمزور ی سے بھی تحفظ دینے میں مددگار ثابت ہوتی ہے ۔ گاجر (Carrots) بیٹاکیروٹین سے بھرپور یہ مزیدار سبزی آپ کی جلد کے خلیات کو تازگی بخشتی ہے اور یہ ایک طاقتور اینٹی آکسائیڈنٹ کا بھی کام کرتی ہے جس سے جھریوں سے تحفظ ملتا ہے ۔ ضرور پڑھیں:لاہور میں سنگدل باپ نے 5 ماہ کی بیٹی کو چھت سے پھینک دیا انار (Pomegranate) روزانہ انار کے جوس کا ایک گلاس جھریوں کو آپ سے دور رکھتا ہے ، اس کے ساتھ ساتھ یہ کولیسٹرول اور بلڈ پریشر کی شرح کو بھی کم کرتا ہے جبکہ اینٹی آکسیڈنٹس کے حصول کا بھی بہترین ذریعہ ہے جو سدابہار جوانی کی اصطلاح کو درست بھی ثابت کرسکتے ہیں ۔ مچھلی (Fish) مچھلی میں پایا جانے والا اومیگا تھری ضروری فیٹی ایسڈ ہے جو جلد کو جگمگانے اور تازہ رکھنے میں مددگار اور انہیں خشکی سمیت قبل از وقت بڑھاپے سے بچاتا ہے ، اگر آپ کی خوراک میں صحت بخش چربی شامل نہیں ہوگی تو آپ بہت کم عمر میں ہی جلد کی خشکی اور جھریوں کا شکار ہوسکتے ہیں ۔ سرخ انگور (Red Grapes) سرخ انگوروں کے چھلکوں میں ایسا عنصر پایا جاتا ہے جو آپ کی جلد کو نرم ، لچکدار اور اچھی نظر آتی ہے ، اس کے ساتھ ساتھ یہ آپ کو سورج کی شعاعوں سے بھی تحفظ فراہم کرتے ہیں ۔ بندگوبھی (Cabbage) بند گوبھی ہر ایک کے لیے سپر فوڈ ہے کیونکہ اس میں شامل اینٹی آکسیڈنٹس آپ کے جسم کو عمر بڑھنے کے نتیجے میں ہونے والے نقصانات سے بچانے میں مددگار ثابت ہوتے ہیں یا یوں کہہ لیں کہ قبل از وقت بڑھاپے اور مختلف امراض سے تحفظ ملتا ہے ۔

Post Your Comments

Disclaimer: All material on this website is provided for your information only and may not be construed as medical advice or instruction. No action or inaction should be taken based solely on the contents of this information; instead, readers should consult appropriate health professionals on any matter relating to their health and well-being. The data information and opinions expressed here are believed to be accurate, which is gathered from different sources but might have some errors. Hamariweb.com is not responsible for errors or omissions. Doctors and Hospital officials are not necessarily required to respond or go through this page.