وہ ایک پھل جسے کھانے سے آپ کا بلڈ پریشر قدرتی طور پر کم ہوجاتا ہے

ہائی بلڈپریشر کا مرض اتنا عام ہو چکا ہے کہ آج ہر چوتھا شخص اس کا شکار ہے اور دوائیاں پھانکنے سے بھی اس سے مستقل نجات ممکن نہیں ہو پاتی۔ تاہم اب سائنسدانوں نے ایک ایسا پھل بتا دیا ہے جسے کھانے سے مریض کا بلڈپریشر قدرتی طور پر کم ہو جاتا ہے۔

ڈیلی سٹار کے مطابق ماہرامراض دل ڈاکٹر سٹیفن سناٹرا کا کہنا ہے کہ ”ہائی بلڈپریشر کے مریضوں کو یوں تو ہر طرح کے پھل اور سبزیاں وافر مقدار میں کھانی چاہئیں کیونکہ اس سے بلڈپریشر کم ہوتا ہے تاہم اس حوالے سے بلیو بیری (Blueberry)اکسیر کا درجہ رکھتی ہے۔


اس کا مسلسل استعمال قدرتی طور پر بلڈپریشر کو کم کر دیتا ہے۔ “ڈاکٹر سٹیفن نے اس کی وجہ بتاتے ہوئے کہا کہ ”بلیو بیری میں ہائی فلیونوائیڈ کنٹینٹ اور طاقتور اینٹی آکسیڈنٹ کی خصوصیات پائی جاتی ہیں جو نہ صرف بلڈپریشر کو کم کرتی ہیں بلکہ یادداشت کو بھی تیز کرتی ہیں۔“


سائنسدان ایک تحقیق میں بھی یہ ثابت کر چکے ہیں کہ بلیوبیری میں پایا جانے والا اینتھوسائناسس (Anthocyanins)بلڈپریشر کم کرنے میں انتہائی معاون ثابت ہوتا ہے۔ اس تحقیق کے لیے کیے گئے تجربات میں جن لوگوں کو بلیوبیری کھلائی جاتی رہی ان میں بلڈپریشر دوسرے لوگوں کی نسبت 10 فیصد کم ہو گیا تھا۔
Courtesy: Daily Ausaf