Doctor Hospital Medicines
روزانہ صبح اگر آپ پانی میں یہ قدرتی چیز ڈال کر پئیں تو بیماریوں سے نجات پائی جا سکتی ہے Daily Ausaf
برمنگھم(مانیٹرنگ ڈیسک) دن کا آغاز نیم گرم پانی سے کیا جائے تو صحت کے بہت سارے فوائد حاصل ہوتے ہیں، یقیناً آپ نے بھی یہ بات سن رکھی ہو گی، مگر یہ بات کم لوگ جانتے ہیں کہ اگر نیم گرم پانی میں معمولی سی مقدار ہلدی کی بھی شامل کر لی جائے تو اس کے فوائد کئی گنا بڑھ جاتے ہیں۔ویب سائٹ ”سپیکنگ ٹری“ کے مطابق ہلدی کولیسٹرول کے لیول کو کم کرتی ہے اور خون کی نالیوں میں رکاوٹ پیدا نہیں ہونے دیتی۔ یوں اس کا استعمال فالج اور دل کی بیماری سے تحفظ فراہم کرتا ہے۔ ہلدی کا باقاعدگی سے استعمال کینسر کے خدشے کو بھی کم کردیتا ہے کیونکہ یہ کینسر کی رسولیوں کے بننے میں بہت مزاحمت کرتی ہے اور کینسر کے خلیات کے پھیلاؤ کو روکتی ہے۔دماغ کی صحت کے لئے بھی ہلدی بہترین فوائد کی حامل ہے خاص طور پر الزائمرزجیسی بیماری سے بچنے کے لئے یہ بہت مددگار ثابت ہوسکتی ہے۔ ہلدی میں پایا جانے والا مادہ کرکیومن کئی طرح کی دماغی بیماریوں سے محفوظ رکھنے میں اہم کردار اداکرتاہے۔جلد کی صحت اور تروتازگی کے لئے بھی ہلدی اپنا جواب نہیں رکھتی۔ یہ خون کو صاف کرنے والی قدرتی غذا ہے۔ جب خون کی صفائی ہوتی ہے تو اس کے اثرات جلد پر بھی نظر آتے ہیں۔ ہلدی کے باقاعدہ استعمال سے خون صاف ہونے کے بعد جلد تروتازہ اور چمکدار دکھائی دینے لگتی ہے۔جوڑوں کے درد اور سوزش کے لئے بھی ہلدی بہت مفید چیز ہے۔ اس مقصد کے لئے یہ دیسی ادویات میں بھی استعمال ہوتی ہے۔ وزن کم کرنے کے خواہشمندوں کے لئے بھی ہلدی بہت فائدہ مند ہے۔ صبح کے وقت نیم گرم --> پانی میں ہلدی ملاکر پینے سے جسم کی فالتو چربی تیزی سے پگھلنے لگتی ہے۔ دراصل ہلدی کا جزو کرکیومن چربی کے خلیات کو جمع ہونے سے روکتا ہے اور یوں یہ موٹاپے سے تحفظ فراہم کرتا ہے۔ ذیا بیطس کے مریضوں او ربدہضمی کے شکار افراد کے لئے بھی ہلدی مفید ہے، جبکہ ہمارے مدافعتی نظام کو طاقتور بنا کر یہ ہمیں بے شمار دیگر بیماریوں سے بھی محفوظ رکھتی ہے۔
More News View all
Comments
Post Your Comments
Disclaimer: All material on this website is provided for your information only and may not be construed as medical advice or instruction. No action or inaction should be taken based solely on the contents of this information; instead, readers should consult appropriate health professionals on any matter relating to their health and well-being. The data information and opinions expressed here are believed to be accurate, which is gathered from different sources but might have some errors. Hamariweb.com is not responsible for errors or omissions. Doctors and Hospital officials are not necessarily required to respond or go through this page.
MORE DOCTORS